ಪಿ.ಕೆ.ರೋಸಿ ಮೊದಲ ಮಲಯಾಳಂ ಸಿನಿಮಾದಲ್ಲಿ ಭಾರತದ ಮೊದಲ ಮಹಿಳಾ ನಟಿ.
ಪಿ.ಕೆ.ರೋಸಿ ಅವರು ಭಾರತದ ಕೇರಳದ ತಿರುವನಂತಪುರದ ಪೇವಾಡ್ ನ ದಲಿತ ಕ್ರಿಶ್ಚಿಯನ್ ಮಹಿಳೆ. ಮಲಯಾಳಂ ನ ಮೊದಲ ಚಿತ್ರ ವಿಗತಕುಮಾರನ್ ನ ಮೊದಲ ನಾಯಕಿಯಾಗಿ ಅವರನ್ನು ನೆನಪಿಸಿಕೊಳ್ಳಲಾಗುತ್ತದೆ.ಈ ಚಿತ್ರವನ್ನು ಜೆ ಸಿ ಡೇನಿಯಲ್ 1928ರಲ್ಲಿ ನಿರ್ದೇಶಿಸಿದ್ದಾರೆ . ಈ ಚಿತ್ರ ಕೇರಳ ಚಲನಚಿತ್ರೋದ್ಯಮದಲ್ಲಿ ಹೆಚ್ಚು ವಿವಾದವನ್ನು ಸೃಷ್ಟಿಸಿದೆ. ಜೆ ಸಿ ಡೇನಿಯಲ್ ಅವರ ಜೀವನವನ್ನು ಆಧರಿಸಿ, ಕಮಲ್ ನಿರ್ದೇಶಸಿದ ಸೆಲ್ಯೂಲಾಯ್ಡ್ ನಂತಹ ಅನೇಕ ಚಲನಚಿತ್ರಗಳು ರೋಸಿ ಅವರ ಜೀವನದ ಕಥೆಯನ್ನು ಹೊರತರಲು ಪ್ರಯತ್ನಿಸಿವೆ. ಈ ಚಿತ್ರವು ವಿನು ಹಬ್ರಾಮ್ ಅವರ ನಷ್ಟ ನಾಯಕಿ ಕಾದಂಬರಿಯನ್ನು ಆಧರಿಸಿದೆ, ಇದು ಅವರ ಮೊದಲ ಚಲನಚಿತ್ರದಲ್ಲಿ ಪ್ರಮುಖ ಪಾತ್ರವನ್ನು ನಿರ್ವಹಿಸಿದ ರೋಸಿಯ ಜೀವನವನ್ನು ವಿವರಿಸುತ್ತದೆ. ದಿ ಲಾಸ್ಟ್ ಚೈಲ್ಡ್ ಮತ್ತು ದಿಸ್ ಈಸ್ ರೋಸೀಸ್ ಸ್ಟೋರಿ (ರೋಸಿಯ ಕಥೆ)ನಂತಹ ಇತರ ಚಲನಚಿತ್ರಗಳು ಆಕೆಯ ಜೀವನವನ್ನು ಆಧರಿಸಿವೆ.
ಪ್ರಮುಖ ಪತ್ರಕರ್ತೆ ಮತ್ತು ದಲಿತ ಹೋರಾಟಗಾರ್ತಿ, ಕುನ್ನುಕುಝೀ ಮಣಿ ರೋಸಿಯ ಸಂಬಂಧಿಕರನ್ನು ಭೇಟಿಯಾಗಿ ವರ್ಷಗಳ ಕಾಲ ರೋಸಿಯ ಗತಕಾಲದ ಕಥೆಯನ್ನು, ರಚಿಸಲು ಪ್ರಯತ್ನಿಸಿದರು ಮತ್ತು ಕೆಲವು ಮಲಯಾಳಂ ನಿಯತಕಾಲಿಕೆಗಳಲ್ಲಿ ಅವರ ಬಗ್ಗೆ ಬರೆದಿದ್ದಾರೆ.
ಪಿ.ಕೆ.ರೋಸಿಯನ್ನು ಮಲಯಾಳಂ ಚಿತ್ರರಂಗದಲ್ಲಿ ಪ್ರಮುಖ ದಲಿತ ನಟಿಯಾಗಿ ಪುನಃ ಪರಿಚಯಿಸಲು ಹಲವಾರು ಪ್ರಯತ್ನಗಳು ನಡೆದಿದೆ, ಉದಾಹರಣೆಗೆ ಪಿಕೆ ರೋಸಿ ಸ್ಮಾರಕ ಸಮಿತಿಯು ಪಿ.ಕೆ. ರೋಸಿ ಅವರ ನೆನಪಿಗಾಗಿ ಕೇರಳದ ಚಲನಚಿತ್ರ ಸಚಿವ ತಿರುವಂಚೂರ್ ರಾಧಾಕೃಷ್ಣನ್ ಅವರು ಉದ್ಘಾಟಿಸಿದರು.
ಅದೇ ರೀತಿ 2013 ರಲ್ಲಿ ಜಾಮಿಯಾ ಮಿಲಿಯಾ ಇಸ್ಲಾಮಿಯಾದಲ್ಲಿ ನಡೆದ ಮೊದಲ ಪಿ.ಕೆ. ರೋಸಿ ಸ್ಮಾರಕ ಉಪನ್ಯಾಸವು ಜನ್ನಿ ರೋವೆನಾ ಅವರ ಅಧ್ಯಕ್ಷತೆಯಲ್ಲಿ ನಡೆಯಿತು.ಈ ಉಪನ್ಯಾಸವು ಮಲಯಾಳಂ ಚಿತ್ರರಂಗದಲ್ಲಿ ದಲಿತ ಮಹಿಳೆಯರ ಬಗ್ಗೆ ಮಾತನಾಡುವ ಜಾತಿ ಆಧಾರಿತ ತಾರತಮ್ಯದ ರಾಜಕೀಯದ ಮೇಲೆ ಕೇಂದ್ರೀಕರಿಸುತ್ತದೆ. ಇದು ದಲಿತ ನಟಿಯರು ಅನುಭವಿಸುವ ಜಾತಿ ಆಧಾರಿತ ದಬ್ಬಾಳಿಕೆ ಮತ್ತು ಚಿತ್ರರಂಗದಲ್ಲಿ ಇರುವ ವರ್ಗ ರಾಜಕಾರಣದ ಸಿದ್ದಾಂತವನ್ನು ಪರಿಚಯಿಸುತ್ತದೆ.
ಪಿ.ಕೆ.ರೋಸಿ ಜೀವನ ಚರಿತ್ರೆ
| ಹೆಸರು | ಪಿ.ಕೆ.ರೋಸಿ |
| ಜನನ | ಫೆಬ್ರವರಿ 10,1903 ತೈಕಾಡ್ , ತಿರುವನಂತಪುರ |
| ಉದ್ಯೋಗ | ನಟಿ |
| ಸಕ್ರಿಯ ಅವಧಿ | 1928-1930 |
| ಸಂಗಾತಿಯ ಹೆಸರು | ಕೇಶವ ಪಿಳ್ಳೆ |
| ಮಕ್ಕಳು | 2 |
| ನಿಧನ | 1988 |
ಆರಂಭಿಕ ಜೀವನ
ಪಿ.ಕೆ.ರೋಸಿಯವರು 1903ರಲ್ಲಿ ತಿರುವನಂತಪುರದಲ್ಲಿ ಪುಲಯ ಕುಟುಂಬದಲ್ಲಿ ಜನಿಸಿದರು. ಅವಳು ಚಿಕ್ಕವಳಿದ್ದಾಗ ಅವಳ ತಂದೆ ತೀರಿಕೊಂಡರು, ಇದರಿಂದಾಗಿ ಅವಳ ಸಹೋದರ ಮತ್ತು ವಯಸ್ಸಾದ ತಾಯಿಯನ್ನು ನೋಡಿಕೊಳ್ಳುವ ಜವಾಬ್ದಾರಿಯು, ಇವಳ ಮೇಲೆ ಬಿದ್ದಿತು.
ನಂತರ ಅವಳು ಕವಲೂರಿನಲ್ಲಿ ತನ್ನ ಚಿಕ್ಕಪ್ಪ ನೊಂದಿಗೆ ವಾಸಿಸಲು ಹೋದಳು. ಅಲ್ಲಿ ಅವಳು ತನ್ನ ಕುಟುಂಬ ಸದಸ್ಯರೊಂದಿಗೆ ಕೂಲಿ ಕೆಲಸ ಮಾಡುವುದನ್ನು ಮುಂದುವರಿಸಿದಳು. ಅವರು ಹುಲ್ಲು ಕಡಿಯುವವರ ಕುಟುಂಬದಿಂದ ಬಂದವರು ಅಲ್ಲಿ ಭಾರತೀಯ ಜಾತಿ ವ್ಯವಸ್ಥೆಯಲ್ಲಿ ಉಪ ಜಾತಿ ದಲಿತರ (ಅಥವಾ ಅಸ್ಪೃಶ್ಯರ) ಗುಂಪಿನಿಂದ ಬಂದವರು.
ರಂಗಭೂಮಿಯ ಕಡೆಗೆ ಅವಳ ಒಲವು ಮತ್ತು ಆಸಕ್ತಿಯು ಚಿಕ್ಕ ವಯಸ್ಸಿನಲ್ಲಿಯೇ ಪ್ರಾರಂಭವಾಯಿತು. ಅವರು ನಾಟಕಗಳಲ್ಲಿ ನಟಿಸಲು ಇಷ್ಟಪಡುತ್ತಿದ್ದರು ಮತ್ತು ಅವರು ಕಕ್ಕರಾಶಿ, ಜಾನಪದ ನೃತ್ಯ ಮತ್ತು ನಾಟಕ ಅಧ್ಯಯನ ಮಾಡುವ ಸಾಂಪ್ರದಾಯಿಕ ಪ್ರದರ್ಶನ ಕಲೆಗಳ ಶಾಲೆಯಲ್ಲಿ ಅಭ್ಯಾಸಕ್ಕೆ ಹೋಗಬೇಕೆಂದು ಒತ್ತಾಯಿಸಿದರು.
ಪಿ.ಕೆ.ರೋಸಿ ತನ್ನ ಅಜ್ಜನ ಅಪೇಕ್ಷೆಗೆ ವಿರುದ್ಧವಾಗಿ ಇದನ್ನು ಮುಂದುವರಿಸಿದರು ಮತ್ತು ತಿರುವನಂತಪುರಂನ ಥೈಕಾಡ್ ನಲ್ಲಿ ನಾಟಕ ಕಂಪನಿಗೆ ಸೇರಿಕೊಂಡರು, ಅಲ್ಲಿ ಅವರು ಉಳಿದುಕೊಂಡರು. ರಂಗಭೂಮಿ ಮತ್ತು ಚಿತ್ರರಂಗಕ್ಕೆ ಮಹಿಳೆಯರ ಪ್ರವೇಶದ ಮೇಲೆ ಗಂಭೀರ ಮಿತಿಗಳಿದ್ದ ಸಮಯದಲ್ಲಿ ರೋಸಿ ತನ್ನ ರಂಗಭೂಮಿಯ ಉತ್ಸಾಹವನ್ನು ಸ್ವೀಕರಿಸಿದಳು.
ಪಿ.ಕೆ.ರೋಸಿಯನ್ನು ಕ್ರಿಶ್ಚಿಯನ್ ಧರ್ಮಕ್ಕೆ ಪರಿವರ್ತಿಸುವ ಬಗ್ಗೆ ಚರ್ಚೆಗಳು ನಡೆದಿವೆ. ಏಕೆಂದರೆ ಆಕೆಯ ಕುಟುಂಬದ ಅನೇಕ ಸದಸ್ಯರು ಆಕೆ ಕ್ರಿಶ್ಚಿಯನ್ ಎಂಬ ಊಹೆಯನ್ನು ವಿವಾದಿಸಿದ್ದಾರೆ, ಆಕೆಯ ಮಲತಂದೆ ಅವರನ್ನು ಸ್ಥಳೀಯ ಕ್ರಿಶ್ಚಿಯನ್ ವಿಷನರಿ ಶಾಲೆಗೆ ಸೇರಿಸಲು ಮತಾಂತರಗೊಂಡವರು ಎಂದು ಹೇಳಿಕೊಂಡಿದ್ದಾರೆ. ಆದರೂ ಅವರ ಪುತ್ರರು ತಮ್ಮ ತಾಯಿ ನಾಯರ್ ಕುಟುಂಬದಿಂದ ಬಂದವರು ಎಂದು ಒಪ್ಪಿಕೊಳ್ಳುತ್ತಾರೆ, ಅದೇ ಜಾತಿಯಲ್ಲಿ ತಮ್ಮನ್ನು ತಾವು ಗುರುತಿಸಿಕೊಳ್ಳುತ್ತಾರೆ. ಆದರೆ ಅವರು ಮೊದಲ ಮಹಿಳಾ ದಲಿತ ನಟಿ ಎಂದು ತಿಳಿದುಬಂದಿದೆ.
ಇತರ ವರ್ಗದ ಮಹಿಳೆಯರನ್ನು ರಂಗಭೂಮಿಯಲ್ಲಿ, ಸೇರಿಸಿಕೊಳ್ಳುವುದನ್ನು ನಿರ್ಬಂಧಿಸುವ ಮತ್ತು ಜಾತಿಯಲ್ಲಿರುವ ನಂಬಿಕೆಗಳನ್ನು ಪ್ರಶ್ನಿಸುವ ವ್ಯಕ್ತಿಯಾಗಿ ಪಿಕೆ ರೋಸಿ ಬೆಳೆದರು. ಪಿ ಕೆ ರೋಸಿ ಕಾರ್ಯ ನಿರ್ವಹಿಸುತ್ತಿದ್ದ ಮಲಯಾಳಂ ಸಿನಿಮಾ ಕ್ಷೇತ್ರದಲ್ಲಿ ಮೇಲುಜಾತಿಯ ನಟಿಯರಾಗಿದ್ದರೆ ಮಾತ್ರ ರಂಗಭೂಮಿ ಮತ್ತು ಸಿನಿಮಾ ಪ್ರವೇಶಕ್ಕೆ ಅವಕಾಶ ನೀಡುವುದು ವ್ಯಾಪಕವಾಗಿ ಆಚರಣೆಯಲ್ಲಿತ್ತು.
ವೃತ್ತಿಜೀವನ
ಜೆ.ಸಿ. ಡೇನಿಯಲ್ ನಿರ್ದೇಶಸಿದ,ನಿರ್ಮಿಸಿದ ಮತ್ತು ಬರೆದ ಮೂಕಿ ಚಿತ್ರ ವಿಗತಕುಮಾರನ್ ಚಿತ್ರೀಕರಣದೊಂದಿಗೆ ಸಿನಿಮಾ ಕ್ಷೇತ್ರದಲ್ಲಿ ಆಕೆಯ ಅದ್ಭುತ ಅಭಿನಯ ಪ್ರಾರಂಭವಾಯಿತು. ಈ ಚಿತ್ರದಲ್ಲಿ ಅವರು ನಾಯರ್ ಮಹಿಳೆಯ ಪಾತ್ರವನ್ನು ನಿರ್ವಹಿಸಿದ್ದಾರೆ ಈ ಕ್ರಮವನ್ನು ಅನೇಕ ಸಿನಿ ಪ್ರೇಮಿಗಳು, ನಿರ್ದೇಶಕರು, ನಿರ್ಮಾಪಕರು ಮತ್ತು ನಟರು, ಸಮಾನವಾಗಿ ವಿರೋಧಿಸಿದರು.
ಇದಕ್ಕೂ ಮೊದಲು ಅವರು ಕಾಕರಾಶಿ ಎಂಬ ತಮಿಳು ದಲಿತ ರಂಗಭೂಮಿಗೆ, ನುರಿತ ಮತ್ತು ಅನುಭವಿ, ನಟಿಯಾಗಿ ವಿವಿಧ ರಂಗಭೂಮಿ, ಪಾತ್ರಗಳಲ್ಲಿ , ನಟಿಸಿದ್ದರು ಮತ್ತು ಭಾಗವಹಿಸಿದ್ದರು. ಸ್ಥಳೀಯ ರಂಗಭೂಮಿಯಲ್ಲಿ ಆಕೆಯ ಭಾಗವಹಿಸುವಿಕೆಯು ನಿರ್ದೇಶಕ ಜೆ ಸಿ ಡೇನಿಯಲ್ ಅವರ ಆವಿಷ್ಕಾರಕ್ಕೆ ಕಾರಣವಾಯಿತು.
ಅವರ ಚಿತ್ರ ವಿಗತಕುಮಾರನ್ ಬಿಡುಗಡೆಯಾದ ನಂತರ ಸಾರ್ವಜನಿಕರು ಹಿಂಸಾಚಾರವನ್ನು ಪ್ರಾರಂಭಿಸಿದರು .ಅವರು ಚಿತ್ರದಲ್ಲಿ ಅವರ ಪಾತ್ರವನ್ನು ಪ್ರತಿಭಟಿಸಿದರು (ಉಲ್ಲೇಖಿಸಲಾದ ಕಾರಣಗಳು, ಜನಪ್ರಿಯ ರಂಗಭೂಮಿ ಮತ್ತು ಚಲನಚಿತ್ರಗಳಲ್ಲಿ, ಚಾಲ್ತಿಯಲ್ಲಿರುವ ನಂಬಿಕೆಗಳ ಬಗ್ಗೆ ನಮಗೆ ತಿಳಿಸುತ್ತದೆ. )ಉಳಿಗ ಮಾನ್ಯ ನಾಯರ್ ಸಮುದಾಯದ ಅನೇಕ ಸದಸ್ಯರು ದಲಿತ ಮಹಿಳೆಯೊಬ್ಬರು ನಾಯರ್ ಮಹಿಳೆಯಾಗಿ ನಟಿಸಿರುವುದನ್ನು ನೋಡಿ ಕೋಪಗೊಂಡರು.
ಚಿತ್ರೋದ್ಯಮದ ಹಲವು ಪ್ರಮುಖರು ಚಿತ್ರದ ಉದ್ಘಾಟನಾ ಸಮಾರಂಭಕ್ಕೆ ರೋಸಿ ಬರುವುದನ್ನು ನಿರಾಕರಿಸಿದರು. ನಿರ್ದೇಶಕರಾದ ಜೆಸಿ ಡೇನಿಯಲ್ ಅವರೇ ಸಿನಿಮಾದ ಪ್ರದರ್ಶನಕ್ಕೆ ಆಕೆಯನ್ನು ಆಹ್ವಾನಿಸಲು ಕೈಚಾಚಲಿಲ್ಲ. ರೋಸಿ ಚಲನಚಿತ್ರ ವೀಕ್ಷಿಸಲು ಹಾಜರಾದರು ಆದರೆ ಚಲನಚಿತ್ರವನ್ನು ಉದ್ಘಾಟಿಸಬೇಕಿದ್ದ ವಕೀಲರಾದ ಮಲ್ಲೂರು ಗೋವಿಂದ ಪಿಳ್ಳೆ ಅವರು ಉಪಸ್ಥಿತರಿದ್ದರಿಂದ ಮೊದಲನೇ ಪ್ರದರ್ಶನಕ್ಕೆ ರೋಸಿಯನ್ನು ನಿರಾಕರಿಸಿ ಎರಡನೇ ಪ್ರದರ್ಶನವನ್ನು ವೀಕ್ಷಿಸುವಂತೆ ಮಾಡಲಾಯಿತು.
ಚಲನಚಿತ್ರದಲ್ಲಿ ಪಿ.ಕೆ.ರೋಸಿ ತನ್ನ ಕೂದಲಿಗೆ, ಮುಡಿದುಕೊಂಡಿದ್ದ ಹೂವನ್ನು ತನ್ನ ಪ್ರೇಮಿ ಮುತ್ತಿಡುತ್ತಿರುವ ದೃಶ್ಯ ಪ್ರೇಕ್ಷಕರನ್ನು ಕೆರಳಿಸಿತು.
ದಲಿತ ಮಹಿಳೆಯ ಮೇಲೆ ಮೇಲ್ಜಾತಿಯ ವ್ಯಕ್ತಿಯೊಬ್ಬನ ಅನ್ಯೂನ್ಯವಾದ ಪ್ರೀತಿಯ ಪ್ರದರ್ಶನವನ್ನು ರೀಲ್ ಪರದೆಯ ಮೇಲೆ ತೋರಿಸಿದ್ದರಿಂದ ಇದು ಪ್ರೇಕ್ಷಕರನ್ನು ಕೆರಳಿಸಿತು. ಪ್ರೇಕ್ಷಕರು ಗಲಭೆ ಮಾಡಲು ಪ್ರಾರಂಭಿಸಿದರು ಮತ್ತು ಪರದೆಯನ್ನು ಹರಿದು ಥಿಯೇಟರ್ ಅನ್ನು ದ್ವಂಸ ಮಾಡಿದರು ಮತ್ತು ಕೋಪಗೊಂಡ ಜನಸಮೂಹ ತಪ್ಪಿಸಿಕೊಂಡ ರೋಸಿಯನ್ನು ಬೇಟೆಯಾಡಲು ಮುಂದಾದರು.
ಚಿತ್ರ ಬಿಡುಗಡೆಯಾದ ನಂತರವೂ ಹಿಂಸಾಚಾರ ಮುಂದುವರೆಯಿತು. ಪಿಕೆ ರೋಸಿ, ಅವರು ಕೆಲಸ ಮಾಡುತ್ತಿದ್ದ ನಾಟಕ ಕಂಪನಿಯಲ್ಲಿ ಆಶ್ರಯ ಪಡೆಯಬೇಕಾಯಿತು ಆದರೆ ಜನಸಮೂಹವು ಅಂತಿಮವಾಗಿ , ಅವಳಿದ್ದ ಸ್ಥಳವನ್ನು ಕಂಡುಕೊಂಡಿತು. ಈ ಘಟನೆಯಲ್ಲಿ ರೋಸಿಯ ಮನೆಯನ್ನು ಸುಡಲಾಯಿತು. ಅದರಿಂದ ಯಶಸ್ವಿಯಾಗಿ, ತಪ್ಪಿಸಿಕೊಂಡ ರೋಸಿ, ಕುಟುಂಬದವರಿಗೆ ಹಿಂಸೆಯನ್ನು ನೀಡಲಾಯಿತು. ಇದೆಲ್ಲವೂ ಚಿತ್ರದ ಬಿಡುಗಡೆಯ ನಂತರ ಮೇಲ್ವರ್ಗದ ಜನರ ಕೋಪಕ್ಕೆ ಪ್ರತಿಕ್ರಿಯೆಯಾಗಿತ್ತು.
ಸಿನಿಮಾ ನಂತರದ ಜೀವನ
ಕೇಶವ ಪಿಳ್ಳೆ ಚಲಾಯಿಸುತ್ತಿದ್ದ ಲಾರಿ ತಮಿಳುನಾಡಿಗೆ ಹೋಗುತ್ತಿದ್ದಾಗ ರೋಸಿ, ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾದರು. ನಾಯರಕೊಯಿಲ್ ಗೆ ಹಿಂತಿರುಗಿದ ಲಾರಿಯಲ್ಲಿ ಅವಳನ್ನು ಕರೆದೊಯ್ಯಲು ಅವನು ನಿರ್ಧರಿಸಿದನು. ಘಟನೆ ಕುರಿತು ನಾಯರಕೊಯಿಲ್ ಪೊಲೀಸ್ ಠಾಣೆಗೆ ದೂರು ನೀಡಲಾಗಿದ್ದು ಆಕೆಯನ್ನು ಆತನ ಮನೆಗೆ ಕರೆದುಕೊಂಡು ಹೋದನು. ಇದು ರೋಸಿಯ ಸಿನಿಮಾದಲ್ಲಿ ತೊಡಗಿಸಿಕೊಳ್ಳುವುದನ್ನು ಕೊನೆಗೊಳಿಸಿತು. ಅವಳು ನಾಯರ್ ಮನೆತನದಿಂದ ಬಂದ ಟ್ರಕ್ ಚಾಲಕನನ್ನು ಮದುವೆಯಾದಳು. ಆಕೆಯ ಏಕೈಕ ಚಲನಚಿತ್ರ ವಾದ ವಿಗತಕುಮಾರನ್ ನಲ್ಲಿ ನಾಯರ್ ಮಹಿಳೆಯ ಪಾತ್ರವನ್ನು ನಿರ್ವಹಿಸಿದ್ದರಿಂದ ಅನೇಕರು ಈ ಕಥೆಯನ್ನು ವ್ಯಂಗ್ಯವಾಗಿ ಕಾಣುತ್ತಾರೆ. ನಂತರ ಅವರು ನಾಯರ್ ಕೇಶವ ಪಿಳ್ಳೆ ಅವರನ್ನು ವಿವಾಹವಾದರು.
ಅವಳು ಮತ್ತು ಅವಳ ಮಕ್ಕಳು ನಂತರ ತಮ್ಮನ್ನು ನಾಯರ್ ಎಂದು ಗುರುತಿಸಿಕೊಂಡರು. ಪಿಳ್ಳೆ ಅವರ ಮದುವೆಯ ಕಾರಣದಿಂದ ಅವರ ಮನೆಯಿಂದ ಹೊರಹಾಕಲಾಯಿತು, ಎಂದು ಅನೇಕರು ಹೇಳುತ್ತಾರೆ. ಪಿಳ್ಳೆ ಅವರು ತಮ್ಮ ಮದುವೆಯಾದ ನಂತರ ಅವರ ಕುಟುಂಬವನ್ನು ತೊರೆದಾಗ ಇವರು ಅವರ ಎರಡನೇ ಹೆಂಡತಿ ಎಂದು ಕೆಲವರು ಹೇಳುತ್ತಾರೆ.
ಪರಂಪರೆ ಮತ್ತು ಸಾವು
ಚಿತ್ರದ ಬಿಡುಗಡೆಯ ನಂತರ ರೋಸಿ ಎಂದಿಗೂ ದೊಡ್ಡ ಖ್ಯಾತಿಗೆ ಏರಲಿಲ್ಲ ಮತ್ತು ಬದಲಿಗೆ ತನ್ನ ಹಿಂದಿನ ನಟನೆಯ ಜೀವನದಿಂದ ಸಂಪೂರ್ಣವಾಗಿ ದೂರ ಉಳಿದರು. ದಲಿತ ಕಾರ್ಯಕರ್ತರು ಆಕೆಯ ಜೀವನದ ಕಥೆಯನ್ನು ರಾಜಕೀಯ ಕಾರಣ ಮತ್ತು ಮುಖ್ಯವಾಹಿನಿಯ ಸಿನಿಮಾದಲ್ಲಿ ದಲಿತ ಮಹಿಳೆಯರ ಪ್ರಾತಿನಿತ್ಯದ ಕೊರತೆಯ ಮೂಲಕ ಪ್ರಸ್ತುತಪಡಿಸುವವರೆಗೂ ನಾವು ಅವರ ಕಥೆಯನ್ನು ಕಲಿತಿದ್ದೇವೆ .
ಜೆನ್ನಿ ರೂವೆನಾ ಅವರಂತಹ ಅನೇಕ ದಲಿತ ಕಾರ್ಯಕರ್ತರು ಕೇರಳದ ಸಾರ್ವಜನಿಕ ಜೀವನದಲ್ಲಿ ದಲಿತ ಮಹಿಳೆಯರನ್ನು ವ್ಯವಸ್ಥಿತವಾಗಿ ಹೊರಗಿಡುವ ಬಗ್ಗೆ ಮಾತನಾಡಿದ್ದಾರೆ. ಅವರು ಜಾತಿ ಮತ್ತು ಲಿಂಗದ ತಾರತಮ್ಯವನ್ನು ಮತ್ತು ಇಂದಿನ ಚಲನಚಿತ್ರ ಉದ್ಯಮದ ರಾಜಕೀಯದಲ್ಲಿ ಅವರು ವಹಿಸುವ ಪಾತ್ರಗಳನ್ನು ಚರ್ಚಿಸಿದ್ದಾರೆ.