ಇದು ದೊಡ್ಡ ಪರೀಕ್ಷೆಯಾಗಿದ್ದು ಬೋರ್ಡ್ ಪರೀಕ್ಷೆಯಲ್ಲಿ ಉತ್ತೀರ್ಣರಾಗುವುದು ಬಹಳ ಮುಖ್ಯವಾಗಿದೆ.ಇಲ್ಲಿ ನಾವು ಒಬ್ಬರಿಗೊಬ್ಬರು ಬೆಂಬಲಿಸುವ ಮೂಲಕ ಯಾವುದೇ ಪರೀಕ್ಷೆಗೆ ಒಟ್ಟಿಗೆ ತಯಾರಿ ನಡೆಸಿದರೆ ಅದರ ಫಲಿತಾಂಶ ಉತ್ತಮವಾಗಿರುತ್ತದೆ. ಮತ್ತು ನಿಮ್ಮ ಮಗುವಿನ ಹೊರೆಯನ್ನು ಕಡಿಮೆ ಮಾಡಲು ನಿಮಗೆ ಸಾಧ್ಯವಾಗುತ್ತದೆ.10 ಮತ್ತು 12ನೇ ತರಗತಿಯಲ್ಲಿ ಉತ್ತಮ ಅಂಕಗಳನ್ನು ಪಡೆಯುವುದು ಬಹಳ ಮುಖ್ಯ. ಈ ಪಲಿತಾಂಶಗಳು ಉತ್ತಮ ಕಾಲೇಜಿಗೆ ಸೇರಲು ಉತ್ತಮ ವಿಷಯವನ್ನು ಆಯ್ಕೆ ಮಾಡಲು ಸಹಾಯ ಮಾಡುತ್ತದೆ.
ಬೋರ್ಡ್ ಎಕ್ಸಾಮ್ ಎಂದ ಕೂಡಲೇ ಎಲ್ಲರೂ ಒಂದು ರೀತಿಯ ಆತಂಕಕ್ಕೆ ಒಳಪಡುತ್ತಾರೆ ಆದರೆ ಇದು ಆತಂಕ ಪಡುವಂತಹ ವಿಷಯವಲ್ಲ. ಪರೀಕ್ಷೆಯ ಮಾದರಿಯೂ ತುಂಬಾ ಕಷ್ಟಕರವಾಗಿರುವುದಿಲ್ಲ. ಸ್ಥಳೀಯ ಪರೀಕ್ಷೆಗಳು ಮತ್ತು ಬೋರ್ಡ್ ಪರೀಕ್ಷೆಗಳು ಎರಡರ ತಯಾರಿ ವಿಧಾನವು ಒಂದೇ ಆಗಿರುತ್ತದೆ. ನಿಮ್ಮ ಕೆಲಸವನ್ನು ನೀವು ಆತ್ಮಸ್ಥೈರ್ಯದಿಂದ ಸರಿಯಾಗಿ ಮಾಡಿದರೆ ಮತ್ತು ಕೆಳಗೆ ನೀಡಲಾದ ಸಲಹೆಗಳ ಪ್ರಕಾರ ಓದಿದರೆ ನೀವು ಉತ್ತಮ ಫಲಿತಾಂಶವನ್ನು ಪಡೆಯುತ್ತೀರಿ.
| ಪರಿವಿಡಿ 1 ಬೋರ್ಡ್ ಪರೀಕ್ಷೆಗೆ ತಯಾರಿ ಮಾಡುವುದು ಹೇಗೆ? 1.1. ಬೋರ್ಡ್ ಪರೀಕ್ಷೆಯ ತಯಾರಿಗೆ ಸಲಹೆಗಳು 1.1.1 ಪ್ರಾರಂಭದಿಂದ ಎಚ್ಚರದಿಂದಿರಿ 1.1.2.ಟೈಮ್ ಟೇಬಲ್ ಮಾಡುವ ಮೂಲಕ ಅಧ್ಯಯನ ಮಾಡಿ 1.1.3. ಪಠ್ಯಕ್ರಮದ ಪ್ರಕಾರ ತಯಾರಿ ನಡೆಸಿ 1.1.4 ಪುನರಾವರ್ತನೆ ಮತ್ತು ಅಭ್ಯಾಸ 1.1.5. ಪ್ರಶ್ನೆಗಳು ಮತ್ತು ಉತ್ತರಗಳ ಬರವಣಿಗೆಯನ್ನು ಸುಧಾರಿಸಿ 1.1.6 ಹಳೆಯ ಪ್ರಶ್ನೆ ಪತ್ರಿಕೆಗಳನ್ನು ಉತ್ತರಿಸಿ . 1.1.7. ಪ್ರತಿ ಪರೀಕ್ಷೆಗೆ ಪೂರ್ಣ ಪ್ರಮಾಣದ ತಯಾರಿ ನಡೆಸಿ 1.2. ಬೋರ್ಡ್ ಪರೀಕ್ಷೆಯ ಸಮಯದಲ್ಲಿ ಏನು ಮಾಡಬೇಕು 1.2.1 ಪರೀಕ್ಷೆಯ ಸಮಯದಲ್ಲಿ ನಿದ್ರೆಯ ಬಗ್ಗೆ ಕಾಳಜಿ ವಹಿಸಿ. 1.2.2. ಮನಸ್ಸು ಏಕಾಗ್ರವಾಗದಿದ್ದರೆ ಹೀಗೆ ಮಾಡಿ 1.2.3. ಆಹಾರದ ಬಗ್ಗೆ ಕಾಳಜಿ ವಹಿಸಿ 1.2.4. ಪರೀಕ್ಷೆಯ ದಿನದಂದು ಮೊಸರು ಸಕ್ಕರೆ ಅಥವಾ ತುಳಸಿ ಎಲೆಗಳನ್ನು ತಿನ್ನಿರಿ. 1.3. ಬೋರ್ಡ್ ಪರೀಕ್ಷೆಗಳ ತಯಾರಿಗಾಗಿ ಪ್ರಮುಖ ಅಂಶಗಳು |
ಬೋರ್ಡ್ ಪರೀಕ್ಷೆಯ ತಯಾರಿ ಸಲಹೆಗಳು ( Tips for board exam Preparation )
ಬೋರ್ಡ್ ಪರೀಕ್ಷೆಯ ಮೊದಲು ಸಂಪೂರ್ಣ ಪಠ್ಯಕ್ರಮವನ್ನು ಎಚ್ಚರಿಕೆಯಿಂದ ಓದಿ. ಅದರ ಪ್ರಕಾರ ಮೊದಲು ಕಷ್ಟಕರವಾದ ಪಾಠಗಳ ತಯಾರಿಯನ್ನು ಮೊದಲು ನಡೆಸಿ ಇದರಿಂದ ಕಡಿಮೆ ಸಮಯದಲ್ಲಿ ಅತ್ಯುತ್ತಮ ರೀತಿಯಲ್ಲಿ ಪರೀಕ್ಷಾ ತಯಾರಿ ಮಾಡಬಹುದು.
ಈ ಕೆಳಗೆ ಕೆಲವು ಪ್ರಮುಖ ಸಲಹೆಗಳನ್ನು ನೀಡಲಾಗಿದೆ,ಅವುಗಳನ್ನು ಅನುಸರಿಸುವುದರಿಂದ ನೀವು ನಿಮ್ಮ ಬೋರ್ಡ್ ಫಲಿತಾಂಶಗಳನ್ನು ಉತ್ತಮಗೊಳಿಸಬಹುದು.
ಜಾಗೃತರಾಗಿರಿ/ ಎಚ್ಚರದಿಂದಿರಿ ( Be Alert )
ಬೋರ್ಡ್ ಪರೀಕ್ಷೆಯಲ್ಲಿ ಮೊದಲಿನಿಂದಲೂ ಜಾಗೃತರಾಗಿರಿ. ಒಮ್ಮೆಲೇ ಮನಸ್ಸಿನ ಮೇಲೆ ಒತ್ತಡವನ್ನು ಸೃಷ್ಟಿಸಿಕೊಳ್ಳಬೇಡಿ. ಮೊದಲಿನಿಂದಲೂ ದಿನಚರಿ(ಟೈಮ್ ಟೇಬಲ್) ಮಾಡಿ ಅದಕ್ಕೆ ತಕ್ಕಂತೆ ಅಧ್ಯಯನ ಮಾಡಿ. ಹೀಗೆ ಮಾಡುವುದರಿಂದ ನೀವು ಕೊನೆಯಲ್ಲಿ ಸಾಕಷ್ಟು ಸಮಯವನ್ನು ಪಡೆಯುತ್ತೀರಿ. ಇದರಲ್ಲಿ ನೀವು ಪುನರಾವರ್ತಿಸಲು ಮತ್ತು ಪರೀಕ್ಷೆ ತಯಾರಿಗಾಗಿ ಹೆಚ್ಚಿನ ಸಮಯವನ್ನು ನೀಡಲು ಸಾಧ್ಯವಾಗುತ್ತದೆ.
ಟೈಮ್ ಟೇಬಲ್ ಮಾಡುವ ಮೂಲಕ ಅಧ್ಯಯನ ಮಾಡಿ ( Make Time Table for Study )
ವರ್ಷದ ಆರಂಭದಿಂದಲೇ ಟೈಮ್ ಟೇಬಲ್ ತಯಾರಿಸಿ. ಅದರಂತೆ ಅಧ್ಯಯನ ಮಾಡಿ. ಪ್ರಾರಂಭದಲ್ಲಿ ನೀವು ಓದಬೇಕಾದ ಸಮಯದ ಬಗ್ಗೆ ಯೋಚಿಸಿ ನಿರ್ಧರಿಸಿರಿ ಮತ್ತು ಆ ಸಮಯದಲ್ಲಿ ಏಕಾಗ್ರತೆಯಿಂದ ಅಧ್ಯಯನ ಮಾಡುವ ಅಭ್ಯಾಸವನ್ನು ಮಾಡಿಕೊಳ್ಳಿ. ವಿಷಯಗಳ ಕಠಿಣತೆಯ ಆಧಾರದ ಮೇಲೆ ಆ ಸಮಯವನ್ನು ಕ್ರಮೇಣ ಕಡಿಮೆ ಮಾಡಿ ಅಥವಾ ಹೆಚ್ಚಿಸಿ .ಪ್ರತಿದಿನ ಶಾಲೆಯಲ್ಲಿ ಮಾಡುವ ಪಾಠಗಳನ್ನು ಆ ದಿನವೇ ಮನೆಯಲ್ಲಿ ಓದಿ ಪುನರಾವರ್ತಿಸಿ. ಈ ರೀತಿ ಮಾಡುವುದರಿಂದ ನೀವು ಆ ದಿನದ ವಿಷಯವನ್ನು ಆ ದಿನವೇ ಅರ್ಥಮಾಡಿಕೊಳ್ಳಬಹುದು ಮತ್ತು ಸಂದೇಹಗಳನ್ನು ಸ್ನೇಹಿತರು ಅಥವಾ ಶಿಕ್ಷಕರೊಂದಿಗೆ ಕೇಳಿ ಬಗೆಹರಿಸಿಕೊಳ್ಳಬಹುದು. ನಿಮ್ಮ ಸಂದೇಹಗಳನ್ನು ಸಮಯಕ್ಕೆ ಸರಿಯಾಗಿ ಪರಿಹರಿಸಲು ಮರೆಯದಿರಿ ಏಕೆಂದರೆ ಕೊನೆಯ ಸಮಯದಲ್ಲಿ ಇದು ಆತಂಕವನ್ನು ಹೆಚ್ಚಿಸುತ್ತದೆ. ಮತ್ತು ಆತ್ಮವಿಶ್ವಾಸವನ್ನು ಕಡಿಮೆ ಮಾಡುತ್ತದೆ. ನೀವು ಮೊದಲಿನಿಂದಲೂ ಕಷ್ಟಕರವಾದ ವಿಷಯಗಳ ಮೇಲೆ ಹಿಡಿತ ಸಾಧಿಸಿದರೆ ನಂತರ ಯಾವುದೇ ಸಮಸ್ಯೆ ಇರುವುದಿಲ್ಲ.
ಪಠ್ಯಕ್ರಮದ ಪ್ರಕಾರ ತಯಾರಿ ನಡೆಸಿ ( Study According to the Syllabus )
ಶಾಲೆಯಲ್ಲಿ ಹೇಳಿಕೊಡುವ ಮುಂದಿನ ವಿಷಯಕ್ಕೆ ಮೊದಲೇ ತಯಾರಿ ಮಾಡಿ ಮನೆಯಿಂದ ಹೊರಬನ್ನಿ. ಅಂದರೆ ಪಠ್ಯಕ್ರಮದ ಪ್ರಕಾರ ಪುಸ್ತಕಗಳನ್ನು ನೋಡಿ ಅದರ ಮುಖ್ಯಾಂಶಗಳನ್ನು ಓದಿ ಇದರಿಂದ ನಿಮಗೆ ಈ ವಿಷಯವನ್ನುಕಲಿಸುವಾಗ ನಿಮ್ಮ ಮನಸ್ಸು ಅದರಲ್ಲಿ ಸುಲಭವಾಗಿ ತೊಡಗುತ್ತದೆ. ಅಧ್ಯಯನ ಮುಗಿದ ನಂತರ ಪಠ್ಯಕ್ರಮವನ್ನು ಮತ್ತೊಮ್ಮೆ ಓದಿ ಮತ್ತು ಅದಕ್ಕೆ ಅನುಗುಣವಾಗಿ ಪುನರಾವರ್ತಿಸಿ ಜೊತೆಗೆ ಪ್ರಮುಖ ಪ್ರಶ್ನೆಗಳನ್ನು ಸಿದ್ಧಪಡಿಸಿ.
ಪುನರಾವರ್ತನೆ ಮತ್ತು ಅಭ್ಯಾಸ ( Revision and Practice )
ನೀವು ಓದಿದ ವಿಷಯಗಳನ್ನು ಕೆಲವು ದಿನಕ್ಕೊಮ್ಮೆ ಪುನರಾವರ್ತಿಸಿ, ಇಲ್ಲದಿದ್ದರೆ ನೀವು ಅವುಗಳನ್ನು ಮರೆತುಬಿಡುತ್ತೀರಿ ಮತ್ತು ನಿಮ್ಮ ಶ್ರಮವೆಲ್ಲ ವ್ಯರ್ಥವಾಗುತ್ತದೆ.
ಪ್ರಶ್ನೆಗಳು ಮತ್ತು ಉತ್ತರಗಳ ಬರವಣಿಗೆಯನ್ನು ಸುಧಾರಿಸಿ ( Improve your writing Skill )
ಕೆಲವೊಮ್ಮೆ ನೀವು ಎಲ್ಲಾ ಪ್ರಶ್ನೆಗಳಿಗೆ ಉತ್ತರಗಳನ್ನುತಿಳಿದಿದ್ದರೂ ನೀವು ಅವುಗಳನ್ನು ಉತ್ತಮವಾಗಿ ಬರೆಯಲು ಸಾಧ್ಯವಾಗುವುದಿಲ್ಲ. ಆಗ ನೀವು ಇನ್ನೂ ಕಡಿಮೆ ಅಂಕಗಳನ್ನು ಪಡೆಯುತ್ತೀರಿ ಇದಕ್ಕೆ ಕಾರಣ ನೀವು ಬರೆಯುವ ವಿಧಾನ.ಆದ್ದರಿಂದ ಮೊದಲು ನಿಮ್ಮ ಬರವಣಿಗೆಯ ವಿಧಾನವನ್ನು ಬದಲಾಯಿಸುವುದು ಉತ್ತಮ.
- ನಿಮ್ಮ ಕೈಬರಹವನ್ನು ಉತ್ತಮಪಡಿಸಿಕೊಳ್ಳಿ
- ಸ್ಪಷ್ಟವಾಗಿ ಬರೆಯಿರಿ
- ಪ್ರಶ್ನೆಗಳಿಗೆ ಉತ್ತರಗಳನ್ನು ಶೀರ್ಷಿಕೆಗಳೊಂದಿಗೆ ಬರೆಯಿರಿ.
- ಬುಲೆಟ್ ಪಾಯಿಂಟ್ಗಳನ್ನು ಮಾಡಿರಿ
- ರೇಖಾಚಿತ್ರ ಬರೆಯಿರಿ
- ಟೇಬಲ್ ರಚಿಸಿ
ಈ ರೀತಿ ಬರೆಯುವುದರಿಂದ ಪರೀಕ್ಷಕನು ನಿಮ್ಮ ಅಂಕಗಳನ್ನು ಎಂದಿಗೂ ಕಡಿತಗೊಳಿಸುವುದಿಲ್ಲ. ಮತ್ತು ಪ್ರಶ್ನೆಗೆ ನಿಖರವಾದ ಉತ್ತರ ತಿಳಿದಿಲ್ಲದಿದ್ದರೂ ಮತ್ತು ನೀವು ಆ ಪ್ರಶ್ನೆಗಳನ್ನು ಬಿಡಲು ಬಯಸದಿದ್ದರೂ ಈ ರೀತಿಯಲ್ಲಿ ಪರಿಹರಿಸುವ ಮೂಲಕ ನೀವು ಅರ್ಧ ಅಥವಾ ಹೆಚ್ಚು ಅಂಕಗಳನ್ನು ಪಡೆಯುತ್ತೀರಿ. ಈ ವಿಧಾನವು ಯಾವಾಗಲೂ ಪ್ರಯೋಜನಕಾರಿಯಾಗಿದೆ. ಮೇಲೆ ಬರೆದಿರುವ ಅಂಶಗಳ ಪ್ರಕಾರ ಪ್ರಮುಖ ಪ್ರಶ್ನೆಗಳಿಗೆ ಉತ್ತರಿಸಿ ಮತ್ತು ಅವುಗಳನ್ನು ನಿಮ್ಮ ನೋಟ್ ಪುಸ್ತಕದಲ್ಲಿ ಬರೆಯಿರಿ ಇದರಿಂದ ನೀವು ಈ ಮಾದರಿಗೆ ಹೋಗಿಕೊಳ್ಳುತ್ತೀರಿ.
ಹಳೆಯ ಪ್ರಶ್ನೆ ಪತ್ರಿಕೆಗಳನ್ನು ಬಿಡಿಸಿ ( Solve unsolved question paper )
ಹಿಂದಿನ 10 ವರ್ಷಗಳ ಪ್ರಶ್ನೆ ಪತ್ರಿಕೆಗಳನ್ನು ಓದಿ ಮತ್ತು ಅವುಗಳಿಗೆ ಉತ್ತರಿಸಿ. ಎಲ್ಲಾ ವಿಷಯಗಳಿಗೆ ಪ್ರತ್ಯೇಕ ನೋಟ್ ಬುಕ್ ಗಳನ್ನು ಮಾಡಿ. ಇದರಿಂದ ಎಲ್ಲಾ ಪ್ರಮುಖ ಪ್ರಶ್ನೆಗಳ ಉತ್ತರಗಳನ್ನು ಪರೀಕ್ಷೆಯ ಸಮಯದಲ್ಲಿ ಒಂದೇ ಸ್ಥಳದಲ್ಲಿ ಕಾಣಬಹುದು.
ಪ್ರತಿ ಪರೀಕ್ಷೆಗೆ ತಯಾರಿಯನ್ನು ಪೂರ್ಣಗೊಳಿಸಿ ( Prepare for every exam )
ವಾರ್ಷಿಕ ಪರೀಕ್ಷೆಯ ಮೊದಲ ತ್ರೈಮಾಸಿಕ ಮತ್ತು ಅರ್ಧ ವಾರ್ಷಿಕ ಪರೀಕ್ಷೆಗೆ ಚೆನ್ನಾಗಿ ತಯಾರಿ ಮಾಡಿ. ಅದೇ ಸಮಯದಲ್ಲಿ ಪ್ರಮುಖ ಪ್ರಶ್ನೆಗಳಿಗೆ ಉತ್ತರ ತಯಾರಿಸಿ.ಇದು ನಿಮ್ಮ ಒರೆಯನ್ನು ಕಡಿಮೆ ಮಾಡುತ್ತದೆ. ಇದರ ನಂತರ ಪ್ರೀಬೋರ್ಡ್ ಪರೀಕ್ಷೆಯಲ್ಲಿ ಸಂಪೂರ್ಣ ಪಠ್ಯಕ್ರಮವನ್ನು ಗಮನದಲ್ಲಿಟ್ಟುಕೊಂಡು ಎಲ್ಲಾ ಪ್ರಮುಖ ಪ್ರಶ್ನೆಗಳಿಗೆ ತಯಾರಿ ನಡೆಸಿ.
ಬೋರ್ಡ್ ಪರೀಕ್ಷೆಯ ಸಮಯದಲ್ಲಿ ಏನು ಮಾಡಬೇಕು ( What to do during Board Exam )
ಬೋರ್ಡ್ ಪರೀಕ್ಷೆಯನ್ನು ಪ್ರಾರಂಭಿಸುವ ಮೊದಲು ಈ ಕೆಳಗಿನ ವಿಷಯಗಳಿಗೆ ವಿಶೇಷ ಗಮನ ಕೊಡಿ
ಪರೀಕ್ಷೆಯ ಸಮಯದಲ್ಲಿ ನಿದ್ರೆಯ ಬಗ್ಗೆ ಕಾಳಜಿ ವಹಿಸಿ
ಪರೀಕ್ಷೆಯ ದಿನಗಳಲ್ಲಿ ನಾವು ಸರಿಯಾಗಿ ನಿದ್ದೆ ಮಾಡದಿದ್ದರೆ ನಾವು ಓದಲು ಕುಳಿತಾಗ ಆಲಸ್ಯವನ್ನು ಅನುಭವಿಸುತ್ತೇವೆ. ಇದನ್ನು ತಪ್ಪಿಸಲು ಪ್ರತಿದಿನ ಸರಿಯಾಗಿ 6 ರಿಂದ 7 ಗಂಟೆಗಳ ನಿದ್ದೆ ಮಾಡಬೇಕು. ಪರೀಕ್ಷೆಯ ರಾತ್ರಿ ಕನಿಷ್ಠ 4 ರಿಂದ 5 ಗಂಟೆಗಳ ನಿದ್ದೆ ಮಾಡಿ.
ಮನಸ್ಸು ಏಕಾಗ್ರವಾಗದಿದ್ದರೆ ಹೀಗೆ ಮಾಡಿ
ಪ್ರತಿದಿನ 10 ನಿಮಿಷಗಳ ಕಾಲ ಧ್ಯಾನ ಮಾಡಿ. ಸ್ವಲ್ಪ ಹೊತ್ತು ಕಣ್ಣು ಮುಚ್ಚಿ ಯಾವುದರ ಬಗ್ಗೆಯೂ ಯೋಚಿಸಬೇಡಿ. ಧ್ಯಾನ ಮಾಡುವಾಗ ಓಂ ಉಚ್ಚರಣೆ ನಿಮ್ಮ ಮನಸ್ಸನ್ನು ಶಾಂತ ಗೊಳಿಸುತ್ತದೆ. ಏಕಾಗ್ರತೆಯಿಂದ ಅಧ್ಯಯನ ಮಾಡಿ ಆಗ ನಿಮ್ಮ ಅಧ್ಯಯನವೂ ಕೆಲವೇ ಗಂಟೆಗಳಲ್ಲಿ ಪೂರ್ಣಗೊಳ್ಳುತ್ತದೆ. ಆದರೆ ನಿಮ್ಮ ಮನಸ್ಸು ಏಕಾಗ್ರತೆಯಿಂದ ಕೂಡಿಲ್ಲದಿದ್ದರೆ ನೀವು ಇಡೀ ದಿನ ಅಧ್ಯಯನ ಮಾಡಿದರು ನಿಮ್ಮ ಅಧ್ಯಯನವೂ ಪೂರ್ಣಗೊಳ್ಳುವುದಿಲ್ಲ.ಸ್ವಲ್ಪ ಸಮಯ ವ್ಯಾಯಾಮ ಮಾಡುವುದು ಅಥವಾ ಯೋಗದಂತಹ ಚಟುವಟಿಕೆಗಳನ್ನು ಮಾಡುವುದರಿಂದ ನಿಮ್ಮಲ್ಲಿ ಸಕಾರಾತ್ಮಕತೆಯು ಬರುತ್ತದೆ.
ಆಹಾರದ ಬಗ್ಗೆ ಕಾಳಜಿ ವಹಿಸಿ
ಸರಿಯಾಗಿ ತಿನ್ನಿ ಆದರೆ ತುಂಬಾ ಭಾರವಾದ ಕರೆದ ಆಹಾರವನ್ನು ಸೇವಿಸಬೇಡಿ ಇದು ನಿಮ್ಮಲ್ಲಿ ಆಲಸ್ಯತನವನ್ನು ಉಂಟುಮಾಡುತ್ತದೆ. ಆದ್ದರಿಂದ ಲಘು ಆಹಾರವನ್ನು ತೆಗೆದುಕೊಳ್ಳಿ ಆದಷ್ಟು ಮನೆಯಲ್ಲಿ ತಯಾರಿಸಿದ ಲಘು ಆಹಾರವನ್ನು ತೆಗೆದುಕೊಳ್ಳಿ.
ಪರೀಕ್ಷೆಯ ದಿನದಂದು ಮೊಸರು ಸಕ್ಕರೆ ಅಥವಾ ತುಳಸಿ ಎಲೆಗಳನ್ನು ತಿನ್ನಿರಿ
ಇದನ್ನು ಓದಿ ಆಶ್ಚರ್ಯಪಡಬೇಡಿ ಇದನ್ನು ಯಾವುದೇ ರೀತಿಯ ಶಕುನಕ್ಕಾಗಿ ಮಾಡಿಲ್ಲ. ಮೊಸರು ಮತ್ತು ಸಕ್ಕರೆ ತಿನ್ನೋದರಿಂದ ನಿದ್ರೆ ಬರುವುದಿಲ್ಲ ಮತ್ತು ತಾಜಾತನವನ್ನು ಕಾಪಾಡುತ್ತದೆ. ಆದ್ದರಿಂದ ಪರೀಕ್ಷೆಯ ಮೊದಲು ಮೊಸರು ಮತ್ತು ಸಕ್ಕರೆ ತಿನ್ನುವುದು ವಾಡಿಕೆ. ಇದರೊಂದಿಗೆ ತುಳಸಿ ಎಲೆಗಳು ನಿದ್ರೆಗೆ ಕಾರಣವಾಗುವುದಿಲ್ಲ ಮತ್ತು ಆಮ್ಲಜನಕದ ಮಟ್ಟವು ಉತ್ತಮವಾಗಿರುತ್ತದೆ.
ಬೋರ್ಡ್ ಪರೀಕ್ಷೆಗಳ ತಯಾರಿಗಾಗಿ ಪ್ರಮುಖ ಅಂಶಗಳು
ಪರೀಕ್ಷೆಗೆ ಎರಡು ಗಂಟೆಗಳ ಮೊದಲು ಸದ್ದಿಲ್ಲದೆ ಕುಳಿತುಕೊಳ್ಳಿ ಮತ್ತು ಪರೀಕ್ಷೆಯ ನಂತರ ಏನು ಮಾಡಬೇಕೆಂದು ಯೋಚಿಸಿ. ಇದು ನಿಮ್ಮನ್ನು ಶಾಂತಗೊಳಿಸುತ್ತದೆ ಮತ್ತು ಆತಂಕ ಕೊಳಗಾಗುವುದಿಲ್ಲ.
| ಕ್ರಮ ಸಂಖ್ಯೆ | ಪ್ರಮುಖ ಅಂಶಗಳು |
| 1 | ಎಲ್ಲಾ ದಾಖಲೆಗಳನ್ನು ನಿಮ್ಮೊಂದಿಗೆ ಇರಿಸಿ ಮನೆಯಿಂದ ಹೊರಡುವ ಮೊದಲು ನಿಮ್ಮ ಐಡಿಯನ್ನು ನೀವು ತೆಗೆದುಕೊಂಡಿದ್ದೀರಾ ಎಂಬುದನ್ನು ಪರಿಶೀಲಿಸಿ. |
| 2 | ಮನೆಯಲ್ಲಿ ನಿಮ್ಮ ಪೆಟ್ಟಿಗೆಯನ್ನು ಪರಿಶೀಲಿಸಿ ಎಲ್ಲಾ ಪರೀಕ್ಷೆಗಳ ಮೊದಲು ಅದರಲ್ಲಿ ಪೆನ್ನು, ಪೆನ್ಸಿಲ್, ಎರೆಸರ್, ಸ್ಕೇಲ್ ಇತ್ಯಾದಿಗಳನ್ನು ಗಮನಿಸಿ. |
| 3 | 30 ನಿಮಿಷಗಳ ಮೊದಲು ಪರೀಕ್ಷಾ ಕೇಂದ್ರವನ್ನು ತಲುಪಿ. |
| 4 | ನಿಮ್ಮ ಬ್ಯಾಗ್ ಗಳು ಪಾಕೆಟ್ ಗಳು ಮತ್ತು ಪರ್ಸ್ ಗಳನ್ನು ಪರಿಶೀಲಿಸಿ. ತಪ್ಪಾಗಿ ಯಾವುದೇ ಚೀಟಿಯನ್ನು ಅದರಲ್ಲಿ ಇಡಬಾರದು. |
| 5 | ಪರೀಕ್ಷಾ ಕೊಠಡಿಯಲ್ಲಿ 10 ನಿಮಿಷಗಳ ಮೊದಲು ನಿಮ್ಮ ರೋಲ್ ಸಂಖ್ಯೆಯ ಮೇಲೆ ಕುಳಿತುಕೊಳ್ಳಿ |
| 6 | ಬಾಕ್ಸ್ ನಿಂದ ನಿಮ್ಮ ಎಲ್ಲಾ ಪೆನ್ನುಗಳು ಪೆನ್ಸಿಲ್ ಗಳನ್ನು ತೆಗೆದುಕೊಂಡು ಇರಿಸಿ. |
| 7 | ನೀವು ಪ್ರಶ್ನೆ ಪತ್ರಿಕೆಯನ್ನು ಪಡೆದಾಗ ಅದನ್ನು ಎಚ್ಚರಿಕೆಯಿಂದ ಓದಿ ಮತ್ತು ನಿಮಗೆ ತಿಳಿದಿರುವ ಪ್ರಶ್ನೆಗಳನ್ನು ಮೊದಲು ಉತ್ತರಿಸಿರಿ. |
| 8 | ಕೇಳಿದ ಪ್ರಶ್ನೆಗಳ ಅಂಕಗಳಿಗೆ ಅನುಗುಣವಾಗಿ ಉತ್ತರದ ಉದ್ದವನ್ನು ಇರಿಸಿ. |
ಪರೀಕ್ಷೆಯ ದಿನದಂದು ಕೋಷ್ಟಕದಲ್ಲಿ ನೀಡಲಾದ ಅಂಕಗಳನ್ನು ಗಮನದಲ್ಲಿಟ್ಟುಕೊಂಡು ನೀವು ಪರೀಕ್ಷೆಯನ್ನು ಬರೆದರೆ ನಿಮ್ಮ ಅಂಕಗಳು ಉತ್ತಮವಾಗಿರುತ್ತದೆ. ಮೊದಲಿನಿಂದಲೂ ಬೋರ್ಡ್ ಪರೀಕ್ಷೆಗೆ ತಯಾರಿ ಆರಂಭಿಸಿ. ವರ್ಷದ ಆರಂಭದಿಂದ ಮೇಲೆ ತಿಳಿಸಿದ ಅಂಶಗಳ ಮೂಲಕ ನಿಮ್ಮ ದಿನಚರಿಯನ್ನು ನೀವು ಮಾಡಿದರೆ ನಂತರ ನೀವು ಕೊನೆಯಲ್ಲಿ ಒತ್ತಡವನ್ನು ಅನುಭವಿಸುವುದಿಲ್ಲ.
ಬೋರ್ಡ್ ಪರೀಕ್ಷೆಯ ಫಲಿತಾಂಶಗಳು ಉತ್ತಮವಾದಷ್ಟು ಸಮಸ್ಯೆಗಳು ಕಡಿಮೆಯಾಗುತ್ತವೆ. ಉತ್ತಮ ಫಲಿತಾಂಶಗಳಿಂದಾಗಿ ನೀವು ಉತ್ತಮ ಕಾಲೇಜುಗಳಲ್ಲಿ ಪ್ರವೇಶವನ್ನು ಪಡೆಯುತ್ತೀರಿ.
ಈ ಎಲ್ಲಾ ಸಲಹೆಗಳು ಎಲ್ಲಾ ರೀತಿಯ ಪರೀಕ್ಷೆಗಳು ಅಥವಾ ಬೋರ್ಡ್ ಗಳಿಗೆ ರಾಮ ಬಾಣದಂತಿವೆ. ನೀವು ಇದರ ಪ್ರಕಾರ ಅಧ್ಯಯನ ಮಾಡಿದರೆ ನಿಮ್ಮ ಫಲಿತಾಂಶ ಯಾವಾಗಲೂ ಉತ್ತಮವಾಗಿರುತ್ತದೆ. ಕೊನೆಯ ದಿನಗಳಲ್ಲಿ ಅಧ್ಯಯನ ಮಾಡುವುದರಿಂದ ಉತ್ತಮ ಫಲಿತಾಂಶಗಳನ್ನು ಪಡೆಯಲು ಸಾಧ್ಯವಿಲ್ಲ. ಆದ್ದರಿಂದ ನಿಮ್ಮ ಮಕ್ಕಳನ್ನು ಮೊದಲಿನಿಂದಲೂ ದಿನಚರಿ ಮಾಡಿಕೊಂಡು ಓದುವಂತೆ ಮಾಡಿ .
ಈಗಿನ ಪರೀಕ್ಷೆಗಳು ಮಕ್ಕಳಿಗೆ ಮಾತ್ರವಲ್ಲ ಪೋಷಕರಿಗೂ ಸಮಸ್ಯೆಗಳಿರುತ್ತವೆ ಆದ್ದರಿಂದ ಅವರು ಸಹ ಇಂತಹ ಲೇಖನಗಳನ್ನು ಓದುವ ಮೂಲಕ ಮಗುವನ್ನು ಬೆಂಬಲಿಸಬೇಕು. ಇದರಿಂದ ಅವರ ಆತ್ಮವಿಶ್ವಾಸ ಹೆಚ್ಚುತ್ತದೆ ಮತ್ತು ಅವರ ಒತ್ತಡ ಕಡಿಮೆ ಯಾಗುತ್ತದೆ. ಪಾಲಕರು ತಮ್ಮ ಸ್ವಂತ ಅನುಭವದಿಂದ ಮಗುವಿನ ಟೈಮ್ ಟೇಬಲ್ ಮಾಡಬಹುದು. ಅವರ ಕಷ್ಟದ ವಿಷಯಗಳ ಬಗ್ಗೆ ಮಾತನಾಡುವ ಮೂಲಕ ನೀವು ಅವರಿಗೆ ಸಹಾಯ ಮಾಡಬಹುದು ಅಲ್ಲದೆ ಯಾವುದೇ ರೀತಿಯ ಮಾಹಿತಿಗಾಗಿ ನೀವು ಇಂಟರ್ನೆಟ್ ಸಹಾಯವನ್ನು ತೆಗೆದುಕೊಳ್ಳಬಹುದು. ಅಂತರ್ಜಾಲದಲ್ಲಿ ನಿಮ್ಮ ಎಲ್ಲಾ ಪ್ರಶ್ನೆಗಳಿಗೆ ಉತ್ತರಗಳನ್ನು ನೀವು ಕಾಣಬಹುದು. ಯಾವುದೇ ವಿಷಯದ ಮಾಹಿತಿಯು ಅಂತರ್ಜಾಲದಲ್ಲಿ ಲಭ್ಯವಿದೆ ಮತ್ತು ಈ ಬೋರ್ಡ್ ಪರೀಕ್ಷೆಯಲ್ಲಿ ಅವರನ್ನು ಬೆಂಬಲಿಸಿ ಇದರಿಂದ ಅವರಲ್ಲಿ ಉತ್ತಮ ಭಾವನೆ ಮೂಡುತ್ತದೆ. ಅಲ್ಲದೆ ಅವರ ಫಲಿತಾಂಶಗಳು ಉತ್ತಮವಾಗಿರುತ್ತದೆ.
ಇನ್ನಷ್ಟು ಓದಿ
ವಿಶ್ವ ಕಪ್ ಕ್ರಿಕೆಟ್ ನಲ್ಲಿ ಭಾರತದ ಸಾಧನೆ
ತುಳಸಿ ಎಲೆಗಳ ಗುಣಲಕ್ಷಣಗಳು ಮತ್ತು ತುಳಸಿ ಎಲೆಗಳ ಅನುಕೂಲಗಳು